الحب مشاركة
ما بيفارقش عقلي أبدًا كلام فؤاد المهندس لما قال: أجمل حاجة في الدنيا إن الإنسان يحب، والأجمل منه إنه يحب ويتحب، بتبقى الجنة! ولإن أهم حاجة في الحب عندي المشاركة، ولإن المشاركة ألف شكل ولون، رسمت بكلماتي مشهد بيجمع بين صور كتيرة للمشاركة، جمعتها من بيتي وبيت كل عربي!
نرتاح لما بنحكي
ونشارك، ونتكلم
الوحدة ظلام
والصحبة نور
لمة ودوشة وناس
وصواني ماشية تدور
أنا أمي علمتني
الأكل لغة للحب
الأكل لمة
واللمة دفا
وسط الشتات والجفا
مش سد جوع
الأكل لمة
واللمة وَنَس
والوَنَس شَبَع
والوحدة جوع
والجوع عدو النوم
والنوم أمان وراحة
والراحة لما بنحكي
والحكي في اللمة
واللمة لُقمة
ورغيف يشبعنا
أنا أمي معاها حق
الأكل واسانا
وجمعنا
Comments
Post a Comment